البارحة يا صاحبي بحزة عصير
تطاير رمل الحب من قو الأنفاس

على مودميٍ كسر القلب تكسير
خلاني عقب المحبة بدون إحساس

لو إنه موادعني قلت له لا ضير
بدله مع غيره مثل باقي الناس

لكنه روَّح بلا موعد و تذكير
بعد ما عشقته من الساس للراس

كنت أعمل كل شي يقربها مير
خوَّن موج البحر و غرق غطاس

أثر حبها لي كان يقبل التغيير
شكراً يا جرح البعد ألف لا باس

ما أظن يا قلب بتشفع له معاذير
بعد ظنيته ذهب طلع بالاخر نحاس

نام يا خاطري و تصبح على خير
باكر بتنسى مثل باقي الناس


*

..الحقيقة ما ادري متى انكتبت ولكنها قديمة حيل أتمنى تصل لذائقيتكم ..