 |  | |  |
| الفاضله / حنان
رداً ع البدايه
لاشيء يضاهي رقة الايام السعيدة التي تتسلل خلسة بين متاعب الحياة
نرجع للرسمه
احكيلنا شوي
نوع البرنامج هل هو السيكتش بوك ام الفوتوشوب
بخصوص الرسمه مو ممتازه اللي بعده
التلوين ماشاء الله بارك الله روعه واكثر من روعه
درجات الالوان وتدرجاتها ودمجها ممتاز
لون البشره متقن
برونزيه مخمليه
دقة الرسم رائعه حماك الرحمن
العين فوق ماهي مرسومه بدقه ماشاء الله ماتنمل من النظر لها تفاصيلها رائعه
ولمحة عينها الحزينه استوقفتني وددت لو اهمس لها ابتسمي فعينك لاتستحق الحزن
الشعر مالوتينه ولكن رائع رائع لونته عيني نيابه عنك
بخصوص الفم مكتمله تفاصيله
ونجي للحاجب يقولون من زان حاجبه زان وجهه
وانا اقول ابدعتي
وربك رسمك لايمل منه ولا تلوينك
 ترسمين احسن مني يا بنت
القسم ذا لاتغيبي عنه
اطربيني بكل ماتجود به نفسك من رسومات
وتحدثي قليلاً عنها بالاضافه عن البرنامج المستخدم
مو مبسوطه اني هنا طايره من الفرحه لان بيننا رسامه تستحق الوقوف والتصفيق
انتظر جديدك
تقبلي ردي وعبق وردي مع خالص احترامي لسموك
آسيرة حرف | |
 | |  |
عزيزتي " اسيرة حرف"
انا هذي اول سنة لي ابدا الرسم بالديجيتال ..
انا من النوع الي يرسم بالرصاص او الوان زيتية فقط
بس السنة هذي بديت في تجربة الرسم بالديجيتال
....
حاولت ابدأ بالفوتوشوب.. بس كان صعب بالنسبة لي اتعلمه كونننه برنامج جدا عميق بتفاصيله
عقب بديت اشوف برامج ثانيه للرسم .. لين توصلت لبرنامج اسمه “ pro create “
البرنامج هذا ناسبني حيللللل كمبتدئة في الرسم عن طريق الديجيتال
ااما بالنسبة لتعليقج على خطوة خطوة في رسمتي اسعدني بشكل يفوق تصورج
ما تصورين اشكثر حابه الشعور ان رسامة وفنانة مثل خبرتج قاعدة تفيدني بكل تفاصيل رسمتي
انا الي طايرة من الفرحة بوجود ناس محبوبة وموهوبة ومرحبانية
مثلج في هالمنتدى..
الله يجعلها معرفة خير ومحبة يارب
