اختي مسك الغلا ،، وجودك هنا غير ،، و انا من الناس اللي افقدك لا غبتي ،،

يكفينا ان اسمك مرتبط بإسم الموقع ،،



الله يرحم والديك و يغفر لهم و يسكنهم فسيح جناته ،،

و الله يشفي مريضكم ،، و يكمله بصحته و عافيته

ما الومك على الحزن ،، و لا على شي ثاني ،، اعرف احساسك و شعورك زين ،،



الدنيا مكمله و لو عشنا بتخاذل و حزن ،، ما راح توقف الدنيا

ما اقولك انسي لانه من سابع المستحيلات ،، لكن تقبلي واقعك و ارضي ،، و اتوقع انك راضيه تمام الرضا

اكثري من قول " الحمدلله " لها سحر عجيب في التقبل و الرضا ،،



احنا هنا اخوه و فضفضتك نتقبلها و نواسيك ما فيها شي ،، و عسى مواساتنا لك ترد لو جزء من روحك ،،



اعتبريها نقطه تحول لك ،، و ابدأي من جديد ،، كأنك توك مولودة بأعمال جديده بأحاسيس جديدة ،، و قلب جديد

لما تبدأين تحزنين على شي ،، حاولي تشغلين نفسك بشيء ثاني تغيرين تفكيرك فيه

ودي اقولك لا تبكين بس بطلع كذابه ، ابكي ،، بس اعتبري ان هالبكاء بس تنفيس ،، و لا تعتبرينه اسلوب حياة و لازم تبكين عشان ترتاحين ،، يعني بين المره اللي تبكين فيها و الثانيه فترة يوم بعدين ابدأي زيدي الوقت يومين و كذا

يصير في الشهر و بعدين كل شهرين و بهالطريقه ،، الين يصير بالنادر

حاولي تتابعين ناس تكتب كلام ايجابي و حلو

و ابعدي عن الناس المتشائمه قد ما تقدرين ،،



كنت اتصفح المنتدى بجوالي و شفت موضوعك ،، قلت لازم افتح لابتوبي ،، ابي اخذ راحتي و انا اكتب لك ،،



الله يريح قلبك و يجعل ايامك كلها فرح و سعاده ،،