مسااء الورد
اولا شرفوني هنا
https://www.al2la.com/vb/t108573.html
اول خاطره لي
___
ثانيا
اليوم تذكرت قصة صارت معي بالابتدائي
قلت لازم اقولها
هذا الله يسلمكم
كان بالكتاب نشاط عملي
لتنظيف المدرسه وشطف الارض
عاد الابله اصرت يومها الا انننا نريح العاملات وننظف المدرسه
وسالتنا مين تبي تشارك معها
وعاد يعني تدرون بالابتدائي
الطالبه اللي تساعد الابله
تكون محط انتباه وانا عاد سويت فيها المتطوعه ورفعت يدي
طبعا الكل رفع يده
والابله اختارت كم بنت
وانا منهم الله ييسرلها كل خير اذكر كانت تحبني
المهم
عاد احنا صرنا نكب موية على الارض
وبعدين نشيلها
عاد كنا فاتحين ذاك اللي يوصل الموية للصرف الصحي
وسبهاان الله
فجاءة يطلع صرصور واحنا كنا بالدرج
انا والابله وكمان بنتين
حنا ما انتبهنا له
عاد الصرصور طلع يحبني
طلع على راسي عشان يحبه تدرون من زود المحبه لزوم حب الراس
وتنتبه له بنت وما تصرخ الا ذاك الصوت
صرصووووووووووووووووووووووووووووووووووووور وتاشر علي
انا ظنيتها تاشر وراي لان الجدار كان وراي
وقربت منهم على اساس ابتعد عنه
الا ويهربون مني
حتى الابله
وانا تفاجات
مافي صرصور على الجدار
وذول الخبل وش فيهم يهربون مني
الا والابله تصرخ
فررررررررررررررررح صرصووووووووووووور على راسك
بطريقه تحسسك ان جني فوق راسك مب صرصور
عاد انا نقزت
وبديت انفض راسي واحاول ابعد الصرصور
ماقدرت لاني ماكنت شايفته
الا وتتجرأ الابله>>مابغت
وتقرب وتحاول تنزله بالعصا
>>انتبهوا من زود حبها مب بيدها بالعصا ههههههههههههه
طلعت خوافه
المهم
نزلته وين يا حزركم؟
على كتفي
عاد انا صرخت ذاكك الصوت
ااااااااااااااااااااهههه
طبيعي توني اشوفه لانه كان على راسي مااشوفه

والابله رجعت بعدت عني>>>ياني حقدت عليها يومها
ثم مديت يدي وبعدته بسرعه
واول ماشفته على الارض
بديت ادوسه برجولي طحنته ما خليت فيه شي صاحي
وبعدها بقيت يومين التفت وراي وانفض نفسي>>>وسواس
لين رجعت على البيت
بعد ما ضحكنا انا وصديقاتي ضحك مب صاحي
وخاصه انا لاني كنت تحت تاثير الصدمه هههههههه
وسلامتكم