من أكثر الأشياء اللي ناس ما تآخذ بالها منها
هي ما يسمى ب (قوة الكلمة).
يعني الواحد لما يقولك أنا أنسان ما أتأثر
فهو كاذب! أكبر كاذب...
لو جد صح ما كان الله أمرنا بالكلمة الطيبة واللين في التعامل
وماكان وصى الرسول صل الله عليه وسلم بالمجادلة بالتي هي أحسن.
فيارب بعض الناس تنتبه على كلامها
ومثل ما نقول توزن الكلمة كويس.








من المواقف اللي صارت لي بآخر فترة
انه عانيت من زيادة وزن بدون سبب
خاصة إنه أكلي قليل!
ففي شخص ما تربطني به إلا علاقة زمالة لا أكثر
عقب عن وزني بطريقة مو حلوة،
وكل ما شافني هالشخص قال إنتِ كذا وكذا
طيب!!
لدرجة تمادى وقال بما يصطلح عليه (وزن بقرة).
يقالك من باب المزح.
لا وألف لا، الموضوع يجرح كثييييير...
تخيلوا أنا ايش كنت اسوي بنظركم؟
والله بس كنت أبتسم وعقلي فيه ألف شتيمة وألف كلمة!!


طبعا اللي يقرأ هالكلام ما اعرف كيف تخيلني!!
وأنا وزني ما يتجاوز الستين بس هو مو متناسق مع طولي!




والسبب، لخبطة في الهرمونات
وشك بمرض وراثي.
بسبب السترس والضغط المتكرر
خلى وزني يزيد بطريقة مو طبيعية،
ولما تنحل هالمشكلة فيني أرجع وزني الطبيعي
إن شاء الله.


طبعا هالشخص شاف بس الظاهر
وقام يحكي كلام بلا معنى،
مع ذلك مافي شي ممكن يبرر له اللي سواه.





فبقول للناس تنتبه على اللي بيطلع من ثمها
كلنا بشر عندنا مشاعر
وعندنا قلب يحس، يفرح، يتألم،
بيشعر بكل الأشياء البشعة وحتى الحلوة،
قلوبنا ضعيفة
قلوبنا محتاجة لطف.


فكونوا قمة في اللباقة مع اللي تعرفوه
واللي ما تعرفوه
كونوا انعكاس مبهر لأرواحكم. 💕





#فضفضة
#موقف