 |  | |  |
| السلام عليكم عمري 29 الصدق يعني وبكل صراحه وبإختصار أنا ماافكر بالزواج حاليا
ولا أبي حياه مثل حياة هالمتزوجين التقليديه اللي ثلاث ارباعهم متزوجين مو اختيارهم مااحب ومو مستعده نفسيا ولا شي ومافيني شيء طبيعية أشوف من رأي الزواج الافضل سن 35 عشان كل ماكبر الشخص زاد رزانه وعقلا والرجل كذلك قريب من هالعمر( رأييي وكل شخص يعيش بالطريقه اللي يبغاها )
وطول عمري ادعي مااتزوج صغيره والحمدلله مرت عشريني بسلام ومثل ماااأبي بكل شي أنا مبسوطه بحياتي جداااا . مستقله ماديا معنويا موزونه الحمدلله درست جامعة وتخرجت تخصص جميل جدا ولسا أدرس وعندي أمال كبيره أحققها لسا بس كُورونا الله المستعان ، المشكله مو هنا المشكله أمي طفشتني لانو انخطب دايم وليه ماتوافقين اش فيها وحرام عليك وافقي من يوم بدأ كُورونا مضايقتني خطبني ولد عمي وسبحان الله أكرهه من قلبي والكل ضدي ليه ماتبينه عكسي بكل شي والحين اهلي مايكلموني
اش اسوي واذا قعدت معهم الزواج والزواج لدرجة يقارنون فيني مع الناس وانا أبد مااشوف نفسي زي أحد الله خلقني غيررررر وحتى لو بتزوج مثلاً مستحيل أتزوج بشكل ذا وقريبي كمان مستحيييلللل ولحددد يتفلسف ع راسي أتوقع إني حره بحياتي بس اش اسوي مع امي
لانو صرت أرد عليها تعبتني ياناس
وربي ماابي اكون عاقققققه .. | |
 | |  |
حياتك صح انتي حره فيها ولاحظي آخر سطر كتبتي مابي اكون عاقه. وكلمة أمي طفشتني وش تقيمينها احمدي ربك واشكريه ان امك عايشه دوري رضاها ...
بس بقولك ملاحظه وانتي فكري زين راجعي حساباتك
عمرك 29 العمر تري يروح ولا نحس فيه والمرأة تختلف عن الرجل في تكوينها الجسماني وتركيبها ... ماقد فكرتي تكونين أم معقول! ع فكرة كل ما تأخرتي كل ماقلت فرصة الانجاب ..وتري مافي بنت الا تتمنى تكون أم فكري زين وراجعي قراراتك
والزواج قسمه ونصيب اذا مو هالسنه السنه الجايه هذا اذا الله كاتب لك تتزوجين وتكونين أم اما إذا الله مو كاتب لك زواج والله لو الشاب اللي تتمنينه كامل المواصفات خطبك وع مزاجك مو تقليدي ماراح يتم.
خيتي امك ثم امك تريها تحبك وتبي مصلحتك حتى لو ماعرفت توصلك مشاعرها. اياك تقولين امي طفشتني
غيرك تتمنى وجود امها جنبها
بالتوفيق