بِسْم الله أبدأ
::
::
يا مرحبا ياللي على الطيب مذكور
عَـنيت لي وأنا بعد بـَ آعنى لك
فـوّحت لك دله و حطيت كنزور
و صبيت كيف القافيه من دلالك
أبحرت في عرض البحر فوق بابور
ما بان منك إلا سوادة ظلالك
يا طيب طيبك يا نسل كل منعور
سلايل ٍ تـرّث "وفـا" و انتهى لك
والله يجير اللي سواتك من الجور
من عالم ٍ بتـشاركك في حلالك
لو كان في العميان واحد من العور
يمكن يورّدهم على "ما" هجالك
إشرب من الحالي ولا تشرب الخور
و لا تحَـرّى واردٍ ما ضمى لك
و ختامها وردٍ من الروز منثور
من طيب قولك كلها تنهدى لك
بو نورة