يا مكثر غيابك و يا قل صبري
عليك يا من صرت في الحب جبار

يا مُكْثِر غِيابكَ وَ يا قُل صَبْرِي
عَلِيّكِ يا مَن صِرتِ ڤِي الحُبّ جَبّار

ماني بمثلك لوك تشوف صدري
تلقى تحت ضلعي من الشوق نوار

تدري بغلاك و ليت ما كنت تدري
كم أقبله عذرك و لو مالك أعذار

طيفك مع ذا الليل مشتاق يسري
ليتك مثل طيفك لي تبوح الأسرار

عفت الغفا و النوم ما عاد يطري
ونجوم ليلك في السما تشع تذكار

مشتاق لك يا أغلى سنيني و عمري
تعال لا يفنى رصيدي في الأقدار

وتقول بدري ليتك تحس بدري
سنين مرت كلها جمر و نار

وانا اتصبر و الصبر مل صبري
و انته مثل ما انت في الحب جبار