ساعات بعد العلاقة ما تنتهي بفترة، أحد الطرفين بيقرّر يرجع: حنين بقى، عنده وقت فراغ مش عارف يملاه ازاي، عايز يتأكّد من حاجة، مستخسر العمر اللي راح، المهم إن ده بيحصل، لكنه في الغالب بينتهي بخيبة أمل مضاعفة، وساعات ما بيقضيش على مستقبل العلاقة بينهم بس، لكن بيشوّه الماضي كمان!

والتجربة بتقول إن فيه علاقات لازم تنتهي يوم ما تنتهي، لأن إحياء الموتى عمره ما هيكون من مواهب المُحبّين، وبديلا عن ده لازم نؤمن بقانون "الجُهد المُهدرَ"، واللي بيقول إن فيه مجهود بتبذله ساعات وما بيوصّلش لأي حاجة، أو بمعنى أدق ما بيوصّلكش للي إنت عايزه حالا، لكن أكيد بيبقى له ثمرة ونتيجة، حتى لو ما أدركتهاش دلوقتي، وده طبيعي جدًا وعادل، لأن مستحيل كل الجهود تبقى ذات ثمرة آنية.

وده القانون اللي الطبيعة نفسها ماشية عليه من يوم ما اتخلقت: مش كل الحيوانات اللي بتتولد بتعيش، مش كل البذور اللي بتتزرع بتخرّج نباتات، مش كل الأمطار اللي بتنزل بتلاقي أرض صالحة تستفيد منها.

فافتح أصابعك يا صديقي.. ودع الخيط الواهي يسقط من بينها للأبد.
#
التعافي!