بشكرك أخي ..

من وقت الاتصال لهلا.. بدي ابكي وابكي بركي برتاح شوي..!! كبرنا وكبرت المشاكل معنا ويلي ما اتوقعناها

ما بعرف هي ضريبة التعامل مع بنك؟ والا انو وحدة هبلة متلي تثق لطليقها ...
صدى كلمات العميل لسى عم بسمعها وهو يقلي ويحقق : انتي المسؤولة والا مش المسؤولة؟

شو بدي اقعد اشرح له...انو السبب طليقي يلي وثقت فيه ع اساس يسدد الفلوس لما سافرت.. وخدعني ولا سددهم ولا شي...
وهلا بناتي الصغار مش معي..وهو مهددني اذا بدي اشكيه للبوليس هون بكندا رح يمنعني آخذ بناتي...بناتي ببلد عربي من شهور..لانه حضرته عامل عليهم حظر منع سفر..

وعم بستنى بناتي ع أحرّ من الجمر..
وهلاء تبع البنك بزيدها علي ... وانا مش المسؤولة عن عدم تسديد المبلغ بعد لما وثقت ب طليقي يسدده.
لو قلت للبنك اني مش المسؤولة..رح يعرضني للمساءلة القانونية والاتهام.. ويضغطوا علي انو اشكي طليقي للبوليس..
واذا قلت لهم اني المسؤولة .. لازم أدبرّ المبلغ من تحت الارض خلال ١٥ يوم...

وكلّت أمري لله رب العالمين وبس.