منتديات مسك الغلا | al2la.com - عرض مشاركة واحدة

**- بساطہِ مصمم .** · 06-21-20, 06:29 AM

◢ لـحـظـات جـمـيـلـه ◣

قبل ازمه كورونا كنت منتظر الوظيفه ولي سنتين واعيد الايام
والاشهر ان يخلص حتى اتوظف وسبحان الله يوم باقي لي شي بسيط
وكنت بجهز الاجراءات وصارت الازمه وجاني احباط ونفسيتي تعبت خصوصا
الاخبار كانت تنشر الوضع راح يستمر لمده سنه الى سنتين للوقايه

اخوي حبيب قلبي يبي يكسر روتين الملل علشان ذبحني التفكير
قال اشغل نفسك بشي وهوايه تحبها ومنها تنوع بدال التفكير السلبي
لاني صاير مزعج .. قال بشتري لك خيل ولا حلال معزا ولا بقر
وطبعا انا وقتها محتار للامانه ..

ههههههه جننته ماثبت على شي لا خيل ولا على بقر ولا على ديناصور
حبيت اشتري معزا دامها الاسهل مبدئياً لاني " طماع " ..
والخيل ممكن بعد كم شهر بس يخف الحر ،

.
.

ورحت بعدها سوق الاغنام .. فيني طبع اني متسرع ماحب الشي
يجي متاخر احس يموت الحماس الي بداخلي ..

الحمدالله شريت 3 طيبات والله يبارك فيهم المشكله
لما شريتهم عزلتهم بشبك الرجال منتظر السياره تشيلهم
ولا يجي رجال بعد تقريباً بربع ساعه يناظر في الحلال ويناظر في
حلالي الي عزلته كان يبي يشتريهم قلت يالغالي هذا حلالي
توني ماخذه الرجال ماشاء الله شرى نص الحلال الي بالشبك
زين لي نصيب فيها ولا كان راحت علي ..

.
.

وهذي صورتها لما جبتها للمزرعه

ماشاء الله تبارك الله