مش عارفة دي ميزة و لا عيب فينا
اقصد المصريين
كل حاجة بناخدها بهزار و نطلع نكات فورا عنها و نقلبها كوميدي حتى لو كارثة
يمكن ده اللي مخلينا لغاية الوقت بنتحمل مصائب كتير على مر التاريخ و لو أن مش حلو دايما ناخد المواضيع باستهتار و نقلبها لهزار
المهم من بعد صدور القرارات الجديدة امبارح بدأت البوستات و الترقية تنزل على القرار ده بكل الاشكال
صراحة ضحكت جدا من قلبي على البوستات و ع القرارات طبعا بس دي مش من قلبي🙄
القرارات كانت بتضحك اكتر من البوستات اللي نزلت
هم يضحك و هم يبكي
شكل رئيس الوزراء بيعاند الفيروس بقراراته دي
و لغاه من عندنا تقريبا ..اومال اعداد الإصابات دي ايه اللي بتزيد يعني و كمان الوفيات بتزيد و معاتش فيه مكان في المستشفيات
فترة الحظر معمولة اربع ساعات من 12ل 4 الفجر🙄
يمكن ده الوقت اللي بيبقى فايق فيه الفيروس
و يصلي الفجر و بعدها بينام
🙄🙄🙄🙄
دي بقى تريقة على نسبة ال25% الي هما محددينها