| | | |
| وشفيك يامشقي القلب.... وشفيك
ذوبت قلب صاحبك ونشفت.. ريقه
سهرت ليلي وانا اتحراك...واناجيك
وأنفاس صدري تناهيد.... .وضيقه
تدري من الناس ياهيه....... مغليك
وقربك اغلى من الماس..... وبريقه
وتدري اجافي الكون كله واصافيك
وتدري اولع الكون لأجلك... حريقه
لكن لو صار فعشقي منك .. تشكيك
برحل وكل ن منا يمشي....بطريقه
وابقى الوفيه ودون الخلق..شاريك
لكن ذا الشك من صاحبي.. ماطيقه | |
| | |
أختنا الغالية الشاعرة/ احلام عابره صح لسانك وسلمت يداك الوضاءة وقلبك الطاهر يحفظك ربي.
اسمحوا لي بهذا الرد المتواضع أخوكم/ حمدفهد:-
>>>>{ مدري حلم وإلا حقيقة }>>>>
يا صاحبي أحبك محبة مندون تشكيك
ارجوك لا تحملني حمل ما اقدر أطيقه
أنا اسمعك تناجيني في ليلي و اناجيك
في ليل الدجى مدري حلم والا حقيقه
ادري إنك مغليني و ترضيني و أرضيك
وقربنا يولع في قلوب الحساد حريقه
ادري وادعي لنا الله يعافيني ويعافيك
فداك الكون كله شوفك يذهب الضيقه
اقطع لساني وقلبي لو لحظه شك فيك
واقول موتي احسن من حياتي دقيقه
وأبعد الشك ما نيب من اللي يراشيك
أنا أعرف الحق حق دوم و أتبع طريقه
الشاعر/ حمد بن فهد المخالده السبيعي