السلام عليكم ورحمة الله وبركاته
انا شاب عمري ٢٤ سنه مشكتلي باختصار كنت اعيش انا وامي واغلب الايام تقضي اختي ايامها ويانا لتخدم امي العاجزة
وكانت امي تملك مرتب ومبللغ ماديه وكلها تعطيها لاختي تودعهم بالبانك فحساب اختي
من اربعة شهور ماتت امي رحمة الله عليها وحاولت استفسر من اختي عن المال لان انا عاطل عن العمل واشتغل يوميه ومريض بالجهاز العصبي واحتاج فلوس كثيره ادويه ومراجعات
لكن انصدمت لما قالت ان امي انطتني كل الفلوس قبل ما تموت وقالتلي حلال عليكي مع انه المبلغ كبير ويكفي الجميع واختي ميسورة الحال ما محتاجه يعني مثلي
انا انقهرت وعصبت ودخل اخواني الكبار الساكنين بغير بلد بالسالفه ووقفو مع اختي ضدي وقالو هذا حقها لان كانت تخدم امنا وانت اعتمد على نفسك
والله يشهد اني ما كنت مقصر مصاريف على امي او البيت من يوميتي البسيطه ولا حتى بيوم زعلتها او ضايقتها. وهي بس تشوفني تعبان كانت تساعدني خاصة بالعلاجات. و اليوم اللي ماتت فيه كانو يتفرجون عليها اخواني بالبيت وانا حملتها على ظهري لشارع كانت سيارة الهلال الأحمر تنتظر وسيارات اخواني واقفه ما تحركوا للمساعده.
ما ادري شلون اتصرف وخصوصيا ان اخواني قاطعوني واختي تنكر ان لي حق عندها وماكو اي أحد يتكلم وياي وصارت علي ديون وخسرت اخواني والفلوس وحياتي كلها وكل ما جيت اصلح اللي صار واسامحهم ما اتحمل وما اقدر لدرجة اني احس اني اكرهم ووالله مرات افكر انتحر عساهم وقتها يحسون باللي ساوونه فيا