السلام عليكم
تزوجت رجل يكبرني ب 26 سنه قلت بالبدايه العمر مايهم دام فيه حب وتفاهم ودام هالزواج سنه ونص وخلال هالسنه والنص صارت مشاكل اكتشفت انه مريض نفسي وشكااك وكل شي ممنوع عنده حتى يقول عني مب جميله وجالسه أتوهم وعندي انفصام بالشخصيه حتى أكلم اهلي ممنوع وكل شي اسويه له معيشة نفس الامير مع انه عندي خدم مايسون شي طبخ اطبخله جميع الأصناف بدون مساعده خدم حتى وبعز الحر بيته نظفته اكثر من الخدم الي مايسون شي طلعت منه نفاايات الله يشهد لمعة قايمه بوااجبه على اكمل ووجه حتى ملابسه مبخره ومكويه كناديره ومطبقه ومرتبه وسريره المفارش اغيرها اول بأول وما ارد له كلمه موو مقصره عليه شي وفوقها مانعني اخلف عيال حارمني الحجه عنده عيال مو محتاج وقبل اتفقنا نجيب عيال ودايم معصب ويلعن ويسب ويقللل مني دائماً
المهم ماتحملت وصارت مشاكل وقرر يوديني عند اهلي وأهلي في مدينه ثانيه قال هذا فترة تقيم اقيمك ليش انا انا بشوو قصرت عليه !؟ بعدها اتصل ماصار يرد عليه اكلمه يشوف الكلام مايرد عليه يتجاهل الحين له 6 شهور بدون مصروف ومايكلمني ولا يرد علي ولا يكلم اهلي قلت له اذا ماتبغاني طلقني خلاص مليت من هالموضوع يقول ان شاءالله وساااكت طيب. وش الحل لا ورقة طلاق ولا نفقة وكل اغراضي عنده !؟ الحين افكر اروح البلد الي هوو فيه وروح المحكمه ورفع عليه قضيه وأخذ حقي تعبت بس شلون اخذ حقي منه بالمحكمه قضية شو ارفع او اسوي او شو اوراق اوديها هو مواطن ونا وأفده