07-05-20, 01:55 PM
|
#1347 |
| آنثــى من عــالـــم الخيـــال | | | | | | | | | | | | | | | | الهوايه » السفر بين عالم المعرفه وروائع الطبيعه | | | | | | | | | | 
d تـــراتـيــــل مخمـليــــه ≃ التــرتيلـــه الـــ 39 ـــ ≃ مصنع الشوكولا c
وقت كان عمري 8 سنين ,,, بتذكر مره عمولنا زياره لبيت خالي
{ آنا وآختي الزغيره وبنت وآبن خالي و3 من جيرانن } آستئذننا من اهالينا انو شوي نروح لمدينه الالعاب يلي قريبه من بيتن ومابنطول ساعه ورح نرجع
بصراحه هنى بلاول رفضو وخبرونا انو لازم حدا كبير يجي معكن ؟؟
وتسائبت آنو بهديك الوقت محدا عندو مجال يجي معنا ,,, ومع الحاحنا المستمر عطونا الاذن
(ومتل مابتعرفو بقا الاطفال اديش زنانين ولحوحين ولما بيجي شي براسن لازم يعمولو )
وبعد مارحنا وجربنا اكتريه الالعاب ... الشله بلاجماع قررو نزور مصنع الشوكولا يلي كانت واقعه خلف مدينه الالعاب !! ,,, { مع اني بوقتا اعترضت وخبرتن نحنا اخدنا اذن نروح للمدينه ونرجع بكير ,,, مابيصير نروح لمطرح 2 مندون مانخبر اهلنا }
بس باقي الشله ( ماعدا اختي الزغيره ) قالو اذا انتي بدك ترجعي ارجعي وخدي معك آختك لزغيره ,,, نحنا منزور المصنع لحتى نشوف كيف بيصنعو الشوكولا وكمان نجيب معنا شوكولا ( ههههههههههه هبل الأطفال )
بعدين قالو : طب نحنا من شو بدنا نخاف ؟؟ مانحنا كبار وقوايا ومابيصير معنا آي شي ( هني بلاساس كانو اكبر مني ومن اختي واعمارن كان من 9 ل 12 سنه )
لهيك محبيت اتركن بقا ونرجع انا واختي لحالنا ,,, ولما رحنا للمصنع بصراحه المصنع كان كتير ضخم والاضواء قليله والجو رهيب بشكل !!
فـــ من كننا نتجول بلش الخوف يسيطر علينا ... ومن غرفه لغرفه يلا ... وصلنا لغرفه فيه عمال والمكنات
ومن شوفونا كيف نحنا ال7 لزقانين ببعض ... دغري فهمو بقا انو نحنا منخاف وميتين من رعب
وضحكو وقالو : انتو شو جابكن لهون ؟؟ ومع مين ولشو جايين ؟؟
الكبير ابو 12 سنين ( يلي كان عامول فيها قبضايى ) وهوى بلاصل كان عم يرجوف قلن : نحنا جايين لحالنا , تنشوف المصنع وناخد معنا شوكولا
فــــ حدا من العمال قال : شوهالثقه الكبيره !! طب شو بتعمولو هلاء اذا نحنا منخطفكن !!
وطلع ضحكه شريره متل يلي بلافلام المجرمين
ودغري اختي وطفلين بكو كتير ... وكانو يقولو بليز عمو ماتخطفنا ... خلاص مابدنا شوكولا
فــــ انا اجتني فكره هايله وقلت بصوت قوي : عمو انتو مفيكن تخطفونا لانو رح يحبسكن البوليس !!
وهوي قال : كيف ياشاطره يحبسنا وانتو جايين لهون مندون ماتخبرو اهاليكن
وانا قلتلو : ماخصني آذا هني ماقايلين بس آنا قايله لاهلي انو رح نجي للمصنع ... لهيك اذا شوي منتاخر عن الرجوع ... دغري اهاليي رح يبلغو البوليس ورح يجو يكمشوكن
هلاء انتو يلي لازم تخافو ... ( طبعا كذبت عليه كذبه بيضا لحتى نزمط و نخلص بقا من هيدي الورطه التي وقع فيها بسبب عند وهبل الآطفال )
فــــ هون العمال ضحكو وقالو : يازغار كننا عم نمزح معكن ... وكان بدنا نخوفكن
لحتى مره 2 مبقا تعيدوها ... ومتطلعو لمطرح مندون آذن
وهيدول 7 علب شوكولا ملونه لكل حدا منكن ...
ورجعنا مبسوطين للبيت مع الشوكولا ولاكآنو صاير معنا شي ... ووقت وصلنا لبيت خالي طبعا اهالينا عصبو علينا ... بس الاطفال اعترفو وقالو انو تاتيانا بلاساس مكانت موافقه نزور المصنع وكمان هيا يلي خلصتنا من الورطه
( وعيننوني قائده للشله ههههههه وقالولي انتي مع انك ازغر بالعمر بس انتي الاعقل والآقوى بيناتنا)
ومن هديك اليوم لحديت هاللحظه ... بطلت اروح لاي مطرح او اعمول اي شي مندون موافقه اهلي
وعرفت هني معن كل الحق لما بيطلبو منا آنو مانعمول هيك ؟؟ ومانقول هيك ؟؟ ومانروح لــ هونيك؟؟
عطول تعليماتن وليسته ممنوعاتن مخبى وراه بصيره وحكمه مرح نفهمو بقا ونحنا زغار
وبصراحه القصه مش مستاهله , آصلا بس تخبي ع آهلك شي رح تحس بثقل كبير ع آكتافك
وعطول بشكر ربي يلي بكل المطارح والمواقف مابيتركني لحالي وعم يحميني !!
وآخدت عبره آنو ... الطفل الربيان ع طاعه اهلو وكلما بيكبر آذا بيستمر ع هالطاعه ,,, حتى لو وقع ب آي ورطه رب العالمين رح ينجيه ... لان طاعه الوالدين من طاعه الله سبحانه وتعالى !!
✍....... a تـــاتــيـــانــــــا
|
|
|
|
 |