يسعد مساك وصبحك الي بك يزين
ويسعد نبات التوت في شفتينك
لك مبسم يضفي على النور نورين
نور القمر يعكس سناه بجبينك
ياريحة الورده وروح الرياحين
المسك والجاوي مخاليط طينك
براق ماسه من تلدين بالعين
والمعدن الصافي خجل في يدينك
غالي وتسوى من البشر بالملايين
يفداك منهو حط عينه بعينك
لو جمعو بنات حوى الى الحين
مافيهم الي واصل حد زينك
حبك تقسم بين دم وشرايين
يعني بقلبي كلهم حافظينك
لاغبت لحظه كن شوقي من سنين
لاتطول الغيبه انا فداك وينك