عيال الحارة مقطعين لساتك السيكل ( لستك السيكل هو اطار السيكل من الدخل اللي يعبونه هواء)

يعرفونه العيال ويا ما عانو منه من كثر خراباته أما البنات فلا اظنهم يعرفونه - طبقة مخملية من الصغر - تلاقيهم يحسبونه أي لاينر من مجموعة سيفورا

على طاري الاي لاينر ، عندي دهان بالبيت يدهن ويضرب بهالجدران اساس ومعجون وفوتونايت

وما غير كل ما دخلت عليه اقول له >> بتعمل ايه يا بو فاروووووء ايه الحلاوة دي يا حلوتك يا .... الخ

وينبسط ثم يرد علي يا حلوتك انت انت الحلاوة




ثم يقول لي المليس عندك وِحش عاد ما ادري هو يبي يوصل فكرة ان العيوب قبله والا يبي زيادة فلوس ما علينا

بس حسيت انه لو يعرس كان يفهم بشغل الميك اب سلام سلام

نفس المراحل بس ان المواد بكميات اقل وهو يتفوق عليهن بالخبرة لأنه باليوم يفرد اكثر من 300 متر يعني بمقياس وجوه السيدات 4800 وجه اي بمعدل 16 وجه للمتر المربع

المهم وين وصلنا بموضوع اللستك

ايه عاد حاطينهم على عداد الكهرباء ثم كل واحد ياخذ واحد ويتضاربون بها حرب

وما غير تسمع هالصفق اللي بوجهه واللي براسه واللي بكتفه

واحسنهم حظوظا اللي تجيه الضربة باللي بالي بالك
ما يأثر فيه اللستك تتحمل ضربة بقوة خمسميه وخمسين رطل للسنتمتر المربع