03-30-13, 04:13 PM
|
#1 |
| | 
آسف ... لاني ماني بقادر أنساك
آسف ... لاني ماني بقادر أنساك ،
إسمح لي آتذكرك وأسهر وأعاني !
حآولت ، قدر المستطاع أتناساك ،
وبالي وقف معك وذكرك ونساني !
ليت المفارق ، سبته من خطاياك ،
عشان لامن جيت أبنسى : مداني !
أودعك .. وتسافر بعيـد .. وألقـاك ،
وأستقبلك / لكن في ، شكل ثاني !
طيفك تبسّامك سوالفك ذكراك ،
تمرّني مثل : الكلام بــ لساني !
وآمر ، شايل لهفتي ، وأتعداك ،
غصبٍ على عين : الأمل والأمـاني !
وأنا / لو إنه في يديّ ، أتحرّاك ،
وأسرقك من وقتٍ عصاك وعصاني !
وأشـر هنا وأقول هذي : زواياك ،
فـ الصدر .. وأقفّل عليك : المحاني !
كنت أبتسم ، لاجيتني في هداياك ،
والحين .. هي اللي تزلزل : كياني !
رغم إن مكاني شايله في حناياك ،
من غيبتك ، وانا ( مكاني مكاني ) !
من طيب قلبك تعتذر لي بفرقاك ،
والمشكلة / كان الخطأ من زماني !
اللي ذبحني فيك .. طيبة : مزاياك ،
واللي ذبحني فيّ لازلت : أنـاني !
لا إحتلت في وصلك ولاقادر أنساك ،
أمّا : تجي ..... ولّا تردّى / عشاني !
رآقـت لـي |
|
|
|
|