لا تحـزن إذا ما غـنّـت الدنـيـا على لـيـلاك
تبسّـم و انتـظـر يمكن يـجـي يوم و تغنـيـلك
'ولا تحزن على حزّات مُغيب الشمس عن دنياك
تغـيب و عذرهـا تاخذ صبـاح الـغـير من ليـلك
'ولا تحزن على أرضـك إذا صار الوطـن منفـاك
تمـسـّك في آخـر ترابـه إلـيـن ترابـه يشيـلك
'ولا تحزن على اسمـك ولا شكلك ولا مـنشـاك
تفـاصيـلك تكـون أحيـان ما تحـمـل تفـاصيـلك
'ولا تحـزن إذا صرت الغريب بـ طبعك و مبداك
ما دام الـحلـم حـلمـك لازم الـتـأويـل تأويـلك
'ولا تحزن إذا مافيـه غيـر الـذنب شـي أبكـاك
دمـوع لـ غـيـر وجـه الله ما تسـوى منـاديـلك
'ولا تحزن على نفـسـك إذا احـرمتـها مشهـاك
يا كـبـر الـفـارق اللـي بيـن تهميـلك وتمهيـلك
'ولا تحزن إذا ما بـاقـي إلا يـديـك في مخبـاك
نصيبـك كاتـبـه ربـي يجيـلك غـصـب بـ يجيـلك
'ولا تحزن على أصحابك ورا ظهرك تصير أعداك
ورا ظهـرك بـ تلقى نـاس تـفرحـلك و تدعيـلك
'ولا تحزن على اللي مانسيت إنه قـدر ينسـاك
تأكد من يضحـي فيك لا يمـكـن يضـحِّـيـلك
'ولا تحزن إذا تـزرع ورود و تـجـنـي الأشـواك
يجوز الـعـيـب من تربـتـك ماهو من مخايـيـلك
'ولا تحزن على عـثـرات عمرك جـعلـها تفـداك
تشوف القادم أجمل كـلـمـا توقـف على حيـلك
'ولا تحزن إذا ما أنـصـفـوك الناس في محيـاك
تموت و يسـرفون الـناس في مدحك و تبجيـلك
'ولا تحزن إذا مـاراح أحـد يـحـزن على فرقـاك
من دروب الـفـراق اخـتـر دربـن مـا يـوديــلك
'ولا تحزن ولو حتـّى يصير الـحـزن من سيمـاك
تـرا الأفراح تـعنيـلك مـثل ما الـحـزن يـعنيـلك