اول شي الله يسلمك ، و لا يوريك مكروه و ضيق ،،
انا اعرف ان الانسان نتاج افكاره ، اي شيء يفكر فيه يأثر على حياته و نفسيته ،
و للامانه الايام اللي راحت افكاري كانت مش و لابد ،،
جلست مع نفسي ، صارحتها و شفت الاسباب اللي ادت للضيقة ،
اما انها اسباب راحت و لا عاد لها وجود ، او اسباب انا ما اقدر احلها ، يعني حاجه و صارت و لا لي يد في تغييرها
و الحل يعني ، ابقى متضايقه على طول !!
ازعل و اتضايق و تخرب حياتي ، و لا عاد احس بالسعاده و لا الفرح ، حتى الكلام يكون ثقيل علي ،،
تفاهمنا انا و نفسي راضيتها و راضتني ،
و قررت اكون مرتاحه و سعيدة
بعد ما اتكلمنا نمت .. و اول ما فتحت عيني تذكرت كلامها لي ،، تذكرت مواساتها
و عرفت قد ايش تعبت نفسي الفتره اللي راحت ، ابتسمت و مارست طقوسي اللي احبها
سويت اشياء كنت مأجلتها لأني متضايقه ،،
اللي لازم تعرفونه : إننا لازم نتبه لأفكارنا ،، ننتبه لكلامنا لأنفسنا ،، لابد يكون كله خير و ايجابي ،،
كل انسان فيه الجانب السيء و الجيد ، دورنا نصغر السيء و نكبر الجيد و نتباهى فيه ،،
عادي نزعل و نتضايق احنا بشر ، بس اللي مو عادي ان هالحالة تطول معك ،،
و عادي تشوفون في المدونه تقلباتي المزاجية ، لانها المتنفس الاول لي 