عندي ولد خال
من صغري يضحكني في عز حزني
من يومي اعتبره صديق الطفوله واخوي اللي ماجابته امي
تحطه عالجرح يبرى
رغم ان كل واحد فينا في بلد الا انه كان من اغلى الناس على قلبي
وبما اني في الاردن ،يعني اربع وعشرين ساعه مع عيال خوالي
تذكرت موقف صار يوم كان عمري 8 او 9 مااذكر
طلعنا عالحديقه الخارجيه نلعب مع العلم انه اكبر مني بثلاث سنوات
طقت براسنا فكره الهرب من البيت
تخيلوا لوين عاد؟
للبقاله
هذا حنا نسميه هرب لانه ممنوع الخروج الا باذن من الحكومه >الامهات<
المهم
طلعنا وماعلينا من احد
رحنا للبقاله اللي كانت بعيده شوي
المشكله مب هنا
المشكله ان ماخذنا فلوس
واختكم صارت تصيح الا بتاخذ الاغراض
وولد خالي يجرني للبيت عشان نجيب فلوس وانا ابي الاغراض الحين
بعد ماصدعت راسه وراس كل من بالشارع اتصل على عمي قله يجيب فلوس
انا سمعت الكلام من هنا وابتسامة من الاذن للاذن ظهرت من هنا
اخذنا الاغراض ورحنا البيت
والكل يهاوشنا انه ليه نطلع بدون مانقولهم
انا اعطيتهم اكبر طاف وجلست اكل اللي شريناه
وياحرام ولد خالي اخذ التهزيئ كله
مدري وش جاب الموقف على بالي
المهم

صباح السعاده