منتديات مسك الغلا | al2la.com - عرض مشاركة واحدة

**اللورد يحيا** · 04-04-13, 10:47 AM

صائد علامه احس انه عادي عندهه الوضع يعني ترضى ي صائد يروح شاعر المنتدى اللي هو انا

عزيزي اكتفينا الاعضاء عندي سواسيه وماعندي تفضيل احد على احد انا هنا قيادي او مجرد سبب حتى يسير المنتدى بالشكل الصحيح السليم .

انا في هذا المنتدى اربع سنوات جونا اعضاء بالمئات بل بالآلاف ودخلوا حياتنا اليوميه من خلال هذا المنتدى لدرجة البعض وصلت لحياتهم الشخصية وشاركتهم همومهم ومشاكلهم العامه والخاصه وفي الاخير فضلوا يتركوننا بأرادتهم واتوا غيرهم وهكذا ، ومن قبل كنت في عدة منتديات سواءً كنت ادارياً او عضواً بين الاعضاء كذالك نفس الشيء ..

واكتشفت مع الايام ان كل عضو حر في تصرفاته وله الحق يتركنا على حسب نفسيته وراحته متى يشاء ، وانا أأمن جيداً بأن هناك مواقع ومنتديات افضل من منتدانا بملايين المرات وهم في الحقيقه ليسوا مغصوبين او مجبورين علينا دام انهم سجلوا معنا في البدايه بأرادتهم ..

صحيح انا ارفض رفض قاطع خروج احد من حياتي او المنتدى بعد مادخله سواءً زعلان او برضاه ولكن هذا حكم القدر اذا كنا نأمن بالقدر فالخروج لامحاله منه دامنا في **** عنكبوتيه جمعتنا ..

وانا بدوري هنا مجرد اداري في هذا المنتدى ( اشجع و احفز و اقوم بالاصلاحيات الاداريه و اتابع الاخطاء سواءً اخطاء الاعضاء من الرقابه او اخطاء الاعدادات ) ومصيري في يوم من الايام اترك هذا المنتدى واترك الجميع معه واذا استمر الموقع بيكون هناك شخص غيري يتولى قيادته ..

ولكن العضو اللي يشيل في خاطره على عضو آخر ويفضل ينسحب من المنتدى بصمت بدون ذكر الاسباب هذا اللي انا ارفضة لان لكل مشكله حل وخصوصاً انه جمعنا هذا الموقع كأسره واحده لم نرى وجوه بعض او حتى نسمع اصوات بعض ولا يستحق نشيل على بعض ، وكذالك الدنيا حياه وموت ولن يبقى لأحد الا ذكره الطيب واخلاقة الحسنه بعد رحيله ، وانا وضحت بدوري للعضو FOX وكذالك سأوضح للجميع مثل ماذكرت على الرابط التالي :

http://www.al2la.com/vb/274311-post6.html

بأنه اذا كان هناك احد الاعضاء من ضمنهم الاداره ازعجوكم او مسوا احاسيسكم بكلام جارح او لكم نظرة تقصير اداريه بأمكانكم تكتبون موضوع في قسم الاقتراحات والشكاوي حتى نتوصل لحل تكونون فيه راضين ، اما اذا كان سبب ترك اي عضو للمنتدى قرار نفسي بذاته فهذا حق من حقوقه يتركنا متى يشاء ..

وفي الاخير ( عاشر من تعاشر فلابد يوماً من الفراق ) وانا من رأيي فراق علاقات النت هي سريعاً ماتنتهي فلا تعشق الغرباء فأنهم راحلون .

وكل اللي اقدر اقوله وارتكز عليه ( الله يجمعنا بكم جميعاً تحت ضل الرحمن يوم لا ضل الا ضله ) ..