أخبار قلبي ..!
/
/
/

خاوى جروحه وخلاها علـى ربّـه ...ذي آخر أخبار (قلبي) يا مشاويري
كله ذهول !! وهبوب الغبنـه تهبّـه ...مغبون..وعتابه أصدق من معاذيري
القلب (مركب سهر) والريح تلعبّـه ...والموج مايرحم ذنوبي وتقصيـري
والحب: غبّه ورى غبّه ورى غبّـه ...فقدت فيها ثـلاث أربـاع تفكيـري
مرات أقول الخطا مني وأنا السبّـه ...ومرات أقول السبب قسوة مقاديـري
وااااعيني اللي تهل الدمـع وتصبّـه ...على فراقٍ سرق فرحـة تباشيـري
تقول سامح زمانك والحـزن خبّـه ...وأقول: منهو يعوضني مخاسيري.؟!
وشلون أسامح زماني..واللي أحبـه ...خذاه غيري وأنا أولى فيه من غيري