بسم الله أبدأ
::
::
اغلى معاني للفرح والتباشير
جتـني وانا متغرب ٍ بالحويَّـه
ورحّـبت ترحيبة معزّه و تقدير
باللي غلاهم شارتي والهويَّـه
ترحيبةٍ تصعب على كل تفسير
غـنـّـيـتها بلحـوني السامريَّـه
وسقت المثل بالقاف معنى و تعبـير
هــديَّــة ٍ يا طـــيــبها مــن هـديَّـه
مبروك يا نوره عسى فالك الخير
جبتي الشهاده بالعزوم القـويَّــه
عـمّ الفــرح ثم فـتـّحــن النواوير
واستبشرت ذيك الديــار العـذيَّـه
نوره عن اصناف البشر وضعها غير
معها من أســباب الغـــلا مقـدريَّـه
في وصفها معذور يا اهل المعاذير
النرجسه والنظره النرجسيَّـه
ما يلحق الشعار نقص ٍ و تقصير
والوصف ماهو عيب وإلا خطـيَّـه
يا ملــح ربي طـبـعهــا والتعابـير
يا قـبــلـــة الله كلهـــا قــابــلـيَّـه
غـندورة ٍ ما مثلها في الغــنادير
أنعم من اوراق الزهور النـديَّـه
والزين يبقى زين طابـع و تصوير
والريم لا مثله ولا فيه زيَّــه
تـمَّت وصلوا عد ما رفرف الطير
على النبي المبعوث خير البريَّـه
قلم/ بو نوره