.
لا أعلم ما أسميه
لعله موقف..!
كنت مع أختي الي ف المرحلة الثانوية
ونقاشنا كان عابر وفجأة تحول عن "المدرسة"
الثانوية الي هي فيها الآن كنت فيها قبلها
وفرق العمر بيننا 5سنوات فقط..
واعتبر متخرجة من الثانوي من 5 سنوات أيضا..!
<< قاعدة أفحط ف الجامعة دحين
..!
المهم
كانت أختي "
مغبونة"منّي حرفياً..
ليه طيب كده.؟
تقول المعلمات ماعندهم غيرك..!!
أنا "وتقصد نفسها" مو مالية عينهم يعني.؟؟
قعدت أضحك صراحة لأني فهمت مقصدها
العام ف الفصل الدراسي الأول
اختي قالت ان فيه نشاط جماعي بنسويه
وهو عبارة عن "ركن كافيه" ويبيعوا
يعني شغلة تجارة
وكنت امّر في مرحلة اكتئاب مو طبيعية
وموقفة جامعة ف ذلك الترم
فعزمتني اختي وقالت كمقترح
:ايش رأيك تجي.؟ تغيري جو
كان مشروعها يوافق الأربعاء بعد اسبوع
وبعد اسبوع من التفكير وكل يوم قرار لي
قلت خلاص شوفي الوالد ولو وافق جيت معاكِ
واتوقع عشان كان يدري اني في مرحلة الاكتئاب
وافق
رحت مع اختي الصبح << يالله ي روقانك سمو
وكل معلمة درستني كانت تشوفني
تجي تسلم علي وتخمني
وأختي تطالع وهي فاتحة فمها
<<وضعها كده
ليه المعلمات للان يفتكروكي.؟؟؟
المهم كان عندي معلمة انقلش
أحبها بشكل , يارب انك تسعدها بس
قعدت معاها نتكلم ف كل شي
قالت لي : الله ع أيام تصبيحاتك
انا اسسستحيييت ويمين بالله
تقول لي بطايقك للان رافعتها عندي
وحدة من المعلمات سمعت الموضوع
وفتحت درج المكتب وطلعت درزن بطايق
يا الله يا الله م اخفيكم شعور الفرحة كيف كان وقتها عندي
رغم اني اقول اوقات كيف كنت فاضية
لدرجة اكتب كل يوم بطايق لكل المعلمات وصحباتي.!!!
لكن لمن شفت أثرها باقي حتى عند صحباتي
وربي مبسوطة من هالشعور
المهم كانت معلمتي تحكيني ع مواقف كتير سويتها انا
بس كنت اقلها متى...!؟
حقيقي مافتكر
لكن قالت لي "
انتي ماتفتكري لكن أثرها باقي فينا وما نسيناها "...!
متخيلين جمال الجملة.؟
نهاية الدوام كنت ف "المصلى" مع معلمة الرياضيات
خرجت هي ورجعت بعد ثواني
قالت: اختك جات تدور عليكي...!
اقلها بسم الله ايت أخت.؟
تقول صغيرة..!
قلت اما دي متى جات بسم الله
وتأشر لها عشان تدخل
طالعت مبلمة فيهم <<تكون اختي الي ف الابتدائي..
قلتلها كيف عرفتيها ماشاءالله
ماقد شفتيها.؟
قالت ملامحكم تشبهو بعض
ويبقى السؤال الحائر بيني وبين اخواتي
كل من شافنا قال تشبهو بعض
واحنا نقول فيييييين التشابه ف الموضوع.
.؟؟
والله وبس
اختي مغبونة لليوم مني وانا مالي ذنب ياخي
مشكلتي اجتماعية جداً....!
واقلكم ترى الوكيلة هي الي عزمتني
<<مالك حل ي سمو
..!
اعتذر ع الإطالة أيها الرفاق
..!