يسعد صباحكم جميعا
كيفكم ؟
شخباركم ؟
عساكم طيبين
والله احس من زمان عن المدونه
صاير ودي اسولف وافضفض شويتين قبل ما انام

شسمه لي ساعتين مدري ليه حاسه بالم حول القلب
يااااااا هو مزعجني
لدرجة مو قادره اتنفس بالراحه
طبعا منسدحه وكل شوي قاعده اجلس
بس عشان اقدر اخذ نفس عميق بدون اي صعوبه

مدري هالالم ما احس فيه الا لما افقد ابوي بزياده
اليوم من اذن الفجر وانا قاعده افقده بزياده
لو تدرون في ثوب حق ابوي للحين معلقينه بمكتبته
احيانا لما افقده كثير اروح اضمه وابكي
حتى اليوم رحت وضميت ثوبه
مادري حسيت بشعور كاني فعلا قدرت اضمه ;( الله يرحمه

طبعا اليوم يوم العاشوراء
وهذا اليوم اكثر يوم كان يحبه ابوي
كان يكون فيه طوال الوقت مستانس ومتحمس ومبسوط ومبتسم
اذكر من لما كنت صغيره كان يحب ويميز هذا اليوم كثير
وحتى انا بعد كنت احب ذا اليوم علشانه
كان بالنسبه لي اكثر يوم مميز بالسنه كلها
لكن الحين صار عكس صار اكثر يوم افقد فيه ابوي واتالم