كل ما دخلنا موقع قلت ....... نرتاح
يطلع لنا بين المخاليق ...... مجنون
هذا بتذاكي هرجته وذاك ... بصياح
والثالث اللي كنه الشيخ .... فرعون
متى يزين المسك يا صاح . يا صاح
نرجع على بيت به اللطف .. والعون
ويفرح بك الجمهور والشيخ مفتاح
تطرب لهم نفسك وروحك مع عيون
ويتابعك بالمسك من زين . الاصباح
يشفيك رده من هواجيس . وطعون
ابو خدود كنها نور ........... مصباح
والمسك يزها به على الخد . وقرون
غديت انا والناس طير ...... وملواح
هذاك يرحب والبعض صار .. ملعون
وين انت ياللي هرجتك مسك فواح
تعال كلمني ترى البال ...... مشطون
تعال شفني عقبكم شرنا ........ فاح
ما عاد بي صبر على كل ..... مأفون
يا بو نهود كنها نبت ............. تفاح
ومبيسم يخفي من الذوق .. وفنون
ماتدري ان الحال من عقبكم .. طاح
ولا عاد لي بعدك عشيرة .... يحنون
ابكي على بلواي وابكي لمن .... راح
وابكي على غالي بعيد ما هو . هون
عقب السعادة صرت عايش بالاتراح
وكل ما نخينا صاحب قال .. بالهون
اسند على مسك الغلا وسدنا ... باح
يصبر علينا ومن بلايه ....... يهدون
وان ماصبروا لي شكلنا حظنا .. ماح
موح السواني بالدلي يوم ... يسنون
ويغور دم كان في عرقنا ....... ساح
واكيد عقب الغور باكون .... مدفون
القارظ العنزي