"إحنا بنجيب آخرنا بسرعة، عشان بنحمّل نفسنا فوق طاقتها: نضحك في وشّ اللي بنكرهه، نخرج مع اللي ما بنحبّوش، نشتغل في مكان مش طايقينه، نكمّل في قصة عارفين نهايتها كويس، نعرف بني أدمين مؤذيين لينا بجد وبيبخوا طاقة سلبية في وشوشنا، نأجّل عمل اللي بنحبّه لحد ما يبوظ ومايبقالوش طعم، ندي اللي حوالينا الحق في انتقادنا وتبكيتنا، نعلّق نفسنا بأشخاص/ حاجات/ علاقات واثقين تماما إنها مش لينا، وبعدين نشتكي: ليه يا رب عملت فينا كده؟!
مش ربنا اللي عمل، ده غباءنا وغرورنا اللي بيخلينا نعمل نفس الحاجات كل مرة، ونتوقع نهايات مختلفة!
اكسر دايرة المعتاد، واعمل اللي إنت عايزه دلوقتي حالا. أرجوك".