البداية :

في اجمل بقاع الارض ف السعودية تحديدا جده
في بيت باين عليه السعادة من كبره و فخامته
يدور حوالينه الاسوار احدث ديكور و الورود ف
الحديقة بكل الوانها و اشكالها بيت ب الظاهر
جميل لكن القلوب الي داخل هالبيت ماتعرف
عن بعضها اي شي غير انه يتجمعون ع الغدا
ف الصالة بينما ام خالد تشاهد التلفاز تنزل
بنتها العنود بكل حماس و فرحة و البهجة ع وجهها
العنود : يمه يمه يمه البشارة
ام خالد : ايش فيك ايش صاير ليه ذا الصراخ
العنود : انقبلت منحتي يا يمه و اخيرا بحقق حلمي
صوت رجولي من وراها ملئ بالقسوة : و من قال اني موافق
العنود : منت ابوي و لا امي و الموافقة لهم
خالد : ماعندنا بنات يسافرون برا السعودية
العنود : يمه كلميه انتي قلتي انك موافقة
ام خالد : ما اقدر اطلع من شور اخوك
باب البيت ينفتح تركض العنود لابوها : يبه شوف خالد ما يبيني اكمل دراستي
ابو خالد بحنية : و من قالك له راي بعدي
خالد : يبا محد بيخربها الا انت يبه كيف تامن و تثق ف بنتك تسافر بروحها
بو خالد : و من قال بروحها بن عمك بندر مسافر
يدرس برا و العنود راح تختار نفس الدولة الي هو رايح لها
العنود دق قلبها بقوة و ابتسمت
خالد : بس بندر ما يحل لها و لا راح تسكن معه يبه وشفيك
بو خالد : بندر و اخته مسافرين بندر يكمل دراسته و اخته تكمل دكتوراه و اختك راح تسكن
بسكن طالبات و ولد عمها و بنت عمها حولها
خالد سكت و هو معصب
ام خالد : سعد ليه تكسر كلمة ولدك
بو خالد : بنتي راح تصير افضل مهندسة فضاء ف العالم و راح ترفع راسي
مو ولدك مفشلني حتي جامعة ما كمل
العنود حضنت ابوها بكل قوتها : شكرا يبه و انا قد ثقتك يبه بندر اي دولة بيروح
انا حاطين لي ظ¦ دول فرنسا ، امريكا ، كندا ، بريطانيا ، استراليا ، المانيا
بو خالد : حطي فرنسا لانهم رايحين فرنسا
العنود : من عيوني يبه ركضت حجرتها و هي بكامل فرحتها ماتدري
انه قربت فرحتها و عالمها كله ينكسر و ينهدم كله

Stop

عطوني رايكم ف البداية و توقعو

1 ايش الي راح يصير مع العنود الي بيهدم حياتها
2 هل بتكتمل سفرتها و لا لا
3 وش قصة بندر و العنود

انتظرو البارت الثاني و هو البارت الي راح ندخل فيه
اعماق الرواية و اتمني انكم تستمعون فيها