بارت 2
في مكان اخر اجمل بلدان العالم الامارات حين يوجد الكرم و الطيب
في دار الظبي تحديدا في بيت صغير يظهر عليه الفقر لكن يملؤه الحب
و الحنان في غرفة نورا تحديدا و هي فرحة جدا انه اخيرا ظهرت لها
منحة الدراسة في الخارج و كل من في البيت موافق على سفرها
و لكن قلب الام حنون حزينا انه اصغر بناتها سوف تتركها و ترحل
للغربة هي و اختها التوام شوق بينما الام حزينه نذهب الي غرفة التوام
شوق : مو مصدقة خلاص بنسافر و نحقق احلامنا و كل شي تمنيناه
نوره : حتي انا مو مصدقة اخيرا
شوق : بس مو تحسين امي زعلانه
نوره : نروح نشوفها
شوق : اول شي خلصتي لستةة الاغراض الي نباها
نوره : هي باجر بنروح نكمل نشتري باقي الاغراض
اخوهم دخل الحجرة و هو مبتسم : بتروحون و تخلوني
شوق قامت نطت بحضنه : كل يوم بنحشرك ف الواتس و زوم
مايد : كل فرصة اجازة بطب عليكم
شوق : يعني ما بنفتك منك شكله
نوره : اصلا بتنورنا و الله
مايد : كل ما تحتاجون فلوس تحتاجون اي شي كلموني انا
زوجة مايد دخلت تصير بنت عمهم و هي تصارخ بزعل : شلوني معاكم بتخلوني مع هذه المينون
مايد رفع حاجب : انا مينون يالهبلة
سارة : خلنا نروح معاهم
مايد : تبين امي تاكلنا يسد هم مسافرين
شوق : سارون بشتاق لج وايد
سارة : اصلا احسن عشان كل فترة نزوركم
مايد : استغفر الله الفكرة دخلت راسها بتفلسني
نوره : شرايكم تروحون معانا يوم بنسافر اتمون اسبوع تستانسون و عقب تردون
مايد : فكرة حلوة و عشان نطمن عليكم بعد
ام مايد من ورا الباب : احسن عشان انا بعد اطمن عليهم روح معاهم لين يبدون دراسة
سارة بفرحة : فكرة حلوة و الله
شوق تناقز : و الله وناسة نستانس وياكم شوي
مايد طلع تلفونه و حجز تذكرتين بنفس يوم سفرة شوق و نوره و ف نفس الوقت و الطيارة
سارة : تبون اسوي لكم معاي كوفي
كلهم : هي قومو نطلع الحديقة
نرجع السعودية ف بيت بو خالد
العنود : يبه احتاج اشتري اغراض لسفر
بو خالد طلع بوكه و طلع فلوس : خذي و يوم تحتاجين ببعث لك ع الصراف
العنود باست راس ابوها : ما انحرم منك يبه
حضنها و دار فيها : يارب اشوفك ف اعلي المناصب
ام خالد تركض و هي تبكي : الحقوووووو اختي دقت لي بندر سوا حادث و الحين ف العناية المركزة
العنود حست الدنيا دارت فيها و حسن بدوخة تمالكت نفسها
بو خالد ترك كل شي بايده و ركض طلع من البيت
ام خالد شافت حالة بنتها و الام تدري بمشاعر بنتها حضنتها بقوة
العنود انهارت بكي و حست كل شي وقف ب عينها
العنود : يممممممه لييييييه ليييه قوليله لا يروح مني يمه حياتي كلها رسمتها مع بندر
ام خالد تبكي : ان شا الله مافيه الا العافية لا تبكين
العنود تشاهق : يمه مستحيل مستحيل بندر يخليني بندر يحبني
الام تبكي و تواسي بنتها
ف مكان ثاني ف السعودية ف الرياض تحديدا ف مطار الملك خالد الدولي تحديدا
في ركن من المطار عايلة تبكي لرحيل ابنتهم الوحيدة حور
معلومة مهمه ( هذي الاحداث حصلت قبل لا يتلاقون البنات و يصيرون صاحبات ) نرجع لرواية
حور تمسح دموع امها : يمه لا تبكين عشان خاطري دخيلك يمه
الام حاضنتها : انتبهي لنفسك و حياتك و دراستك لا تتركين صلاتك
ابوها : حور بنتي اي شي تحتاجينه كلميني
حور : حاضر يبه خلوني اروح و انا سعيدة و مطمنه انكم بخير
سلمي اختها برضاعة : حور لا تعتقدين رحتي يعني راح اخليك و ما ازعجك كل يوم بكلمك
حور ضمتها : مستحيل انتي قطعة مني و اصلا انتي بتلحقيني بعد سنه
سلمي ببتسامه : طبعا من لي غيرك و غير خالتي و عمي من بعد اهلي
احمد زوج سلمي يكشر : و انا وين رحت يالجاحدة
سلمي : انت دنيتي كلها اصلا انت حاجة ثانية
حور : انا بروح قبل لا يصيبني جفاف بسببكم
ودعوها بحزن و يمثلون الابتسامه راحت حور و هي
تودعهم و تلوح لهم بايدها
Stop ( وصلنا لنهاية البارت الثاني )
توقعاتكم :
1 هل بندر بيموت
2 هل العنود بتسافر
3 شو بيصير مع كل البنات ف المطار من احداث
4 وش توقعاتكم لرواية و هل اعجبتكم
كل هذه بتعرفونه ف البارت الثاالث و انتظروني مع البارت 3
بقلم : الشيخة:
