بحكي لكم نهفة من نهفات أخي 😂😂😂

بيوم السفر لمأرب
كنا محفظين أخي:
-وين احنا رايحين؟
-مأرب
-ايش معانا بمأرب؟
-عرس فلان -أخي-
-طيب وفلان هذا ايش يشتغل؟
-يشتغل بوايت ماء.

وطبعاً هذا بالنسبة لنقاط الحوثيين أما الشرعية فأكيد بنقول لهم الحقيقة لأن مافيها شي

المهم خلاص أخي حفظ الدرس
وبدأنا نمر بالنقاط
بصراحة الحوثيين ماحد منهم سألنا شي من هذه الأسئلة 🌚
بس كانو يسألوا عن أغراضنا
طبعاً هذا لأننا خارجين من عندهم أما لو داخلين صنعاء كان عملوا عمايل 🌚

المهم . .

دخلنا لمنطقة الشرعية وأخي الظاهر لسه مش مستوعب 😶
وصلنا لأول نقطة
واجا العسكري يسأل أخي
-ايش معك بمأرب
أخي توتر فكره حوثي 😂😂😂
رد عليه عندنا عرس 😂😂😂😂😂
عرس من؟
عرس فلان الفلاني
ايش يشتغل فلان
يشتغل بوايت ماء 😂😂
العسكري: لا مش بوايت ماء، ايش يشتغل يا حبيب؟؟
أخي توتر زيادة وجلس يحك راسه وصوته انخفض وهو بقول كأنه يفكر بينه وبين نفسه: إلا بوايت ماء.
احنا دخلنا بالخط وقلنا له عسكري 😶
أخي طنن واستوعب اننا وصلنا عند الشرعية 😂😂
لفت لنا وسألنا كأنه مش عارف: بالله؟؟ عسكري؟؟ 😂😂😂😂😂😂😂😂
وأنا خلاص كنت ماسكة الضحكة غصب 😂😂😂😂

بعد ما مرينا من النقطة بسلام
كان في نقطة ثانية أمامنا
قام السواق التفت لأخي ينبهه ع انه في نقطة جاية:
-هاه ايش عتقول لهم . . يشتغل بوايت ماء؟ 😂😂😂😂 .

أخي مدري انه من الخوف ما انتبه انهم رافعين علم اليمن مش شعار الحوثة
ولا هو فهم تعليماتنا غلط 😂 .