ادعولي ان الله يفكني من الدخان على خير
فيه نوعية من الناس مو يفقعوا مرارتي
لا
صرت انظر لهم بعين الشفقه واقول يارب لاتبتليني
هذي النوعية من الناس لاجات تسافر
حطوا الدين وثوب الشرف بكيس
ودسوه تحت كرسي بصالة المطار
ويروح للديره اللي هو قاصدها
وسكر ونكر وزنا وكبائر ومجاهره بالمعصيه
ويرسل لخويانه مقاطع وصور
ومراقص ورش فلوس
كل المعاصي والكبائر يسويها
ولا انتهت سفرته ورجع للمطار
اول شي يدوره بالمطار الكيس اللي حاط فيه دينه وشرفه
وياخذه معه
ويتكلم على فلان ويقول هذا راعي حبوب ويذم فيه
ويأشر على فلان ويقول هذا مامشي معه تقوله ليه يقولك سكرجي وراعي حشيش
ياخي قبل ماتأشر بيدك على الناس تأكد ان اصابعك نظيفه
هذا انا اشوفه يسير كثير
ويوم تقوله انت تسكر وتنكر برى السعوديه والحين تذم
باهل الحشيش والشراب والحبوب هنا ليه
يقولك انا اسويها برى السعوديه بس
فالسعوديه حدي دخان
كف على وجهك ياصديق
انا هذي النوعية صراحه تحزني الله لايبلانا