بعد خروجك من العلاقة، بتشوف كل حاجة بشكل تاني: ريحة الهوا والناس والطرق والعربيات والمزيكا والأكل ويوم الأجازة!
شيء أكبر من إنّك تشاور عليه اتغيّر جوّاك للأبد، وخلّى العالم كله كأنه جديد عليك!
الهزيمة في حب صادق، ممكن تبقى آخر مسمار في نعشك، حتى لو فضلت واقف على رجلك، بتضحك وتتكلم وتمثل، ورفضت تمضي شهادة الوفاة، اللي اسمك الثلاثي مكتوب في أول سطر فيها، وممكن تبقى بداية فوقانك وتحولك لإنسان أفضل وأكثر حقيقية، واللي بيحدد ده: نظرتك لنفسك وإذا ما كنت تستحق تعيش الحياة فعلا ولا لا تستحق أكتر من إنك تبقى مجرد سطر في قصة أحدهم!