منتديات مسك الغلا | al2la.com - عرض مشاركة واحدة

**الشيخ حكيم** · 11-11-20, 11:12 PM

المشاركة الأصلية كتبت بواسطة بو نوره

بسم الله أبدأ

يا زين ياللي وسط قلبي تربيت
في عيد ميلادك كتبت القصيده

ميـّـزتها وأفرزتها بيت عن بيت
حتى تـنـقـيت العـقــود الفريده

لو كان تنسى يالغضي ما تناسيت
العيد عــيدك جعل ربي يعيده

أنا أدري إن مالي تجاره ولا صيت
و ما عندي من الجاه ما تستـفيده

لكن في حبك سميت و تعـلّـيت
حتى تطاولت النجــوم البعيده

أستشعر حروفك ليا جيت وأقـفيت
غصب ٍ على بعض الظروف العنيده

في هرجة العذال ما اسمع ولا أوحيت
خــلّ الحديد يفــل ّ باقي حــديده

وأشكي لك الاحوال لو ما تشكّيت
يوم انت وضّاح الليال الزهيده

شعلة غلا ما ولّـعت بالكباريت
من جذوة العشاق تبقى وقيده

ياليت بيدي الأمر يا قلب يا ليت
لا أرجّـع سنيني القديمه جديده

و أغيب بك لا نيب حي ٍ ولا ميت
ونحقـق من الملتـقى ما نريده

وإن طابت الايام طبت وتعافيت
و غنيت لك كل اللحون السعيده

بو نوره

راااائعة