رواية صدفه جمعتنا وعلقتنا ببعضنا
..البارت الثاني ..
سارة : افتحي قلبك ولاتنسين اني اقرب لك من اي احد قولي لي فضفضي
مها : أسمعي أنتي تفهمين أننا كبرنا يعني مالهم حق اهلي يقولون عني ولد ترى اثر هالشي على تصرفاتي المفروض يشجعوني
سارة : طيب يمزحون وش فيها لاتصيرين حساسه انتي بعد
مها: طفشت من المجاملات ياسارة هالشي يجرحني قاموا البشر يعايروني ب اني ولد
سارة رافعه حواجبها : ليه مين يقول لك كيذا غير اهلنا ؟!
مها بتردد ماعرفت وش تسوي : طيب بقول لك بس وعد ماتعلمين احد
سارة بخوف : وشو وعد ؟!
بعد يومين
ملاك تفكر بكلامه
: اهلن
ملاك : مين
: امدا تنسيني
ملاك بخوف وعصبيه : وجعلني ما اذكر
: هههههههههه حلو
ملاك : ياجعل ايامك ماتبقى وش تبي مني
: ههههه لا مو انتي اللي احتاجها
ملاك بستغراب وخوف من اللي بالها : وش قصدك ؟!
: اذا تبينها تعيش وتكون بخير سوي اللي اقول
ملاك بارتباك : مين تقصد ؟!
: هههه علينا سلام بصكر انا
بعد ثلاث ساعات على المغرب
غادة : وش فيك
سوسن وهي تشهق : خايفه خايفه من أهلي ياغادة
غادة بخوف : وش فيك سلامات
سوسن : ملامحها حلوة طويله تجنن بيضاء وملح وعيونها حلوة ومكحله شفايفها حمراء وعيون الحريم عليها واهلها رافضين عشان دراستها شعرها اشقر خشمها طويل وحواجبها مرسومه شي تخقق .
سوسن : غادة أنلي بيذبحوني لو دروا
غادة : طيب وش صار
سوسن : بنت من الجامعه حاطتني براسها وقالت بفضحني لو ماسويت اللي تبيه وانا ما اعرفها وخايفه تفضحني
غاده : طيب سوي اللي تقول ؟
سوسن : تبيني أروح عند شباب وأكلمهم وأنا مو كيذا تعرفيني
غادة بصدمه: ياجعلها ماتربح
سوسن وهي تشاهق : وش اسوي طيب قولي لي أهلي مو مصدقيني
غادة بعد تفكير طويل : أنا لقيت الحل بس أسمعي كلامي
سارة : يالله وش تبين خوفتيني صار لك ساعه بتكلميني
مها : عمر عندة البيبي حقي ويكلمني منه
سارة بسخريه : ومين اللي عطاه البن لايكون طار لاسمح الله
مها بخوف : أخته
سارة : بس حنا يامها غير عنهم أفهمي هم عادي عيالهم يكلمون بنات أفهمي
مها بضيق: مو كيذا القصه أخته بالشتني فيه وكل يوم يرمي علي كلام
سارة بتعجب: وش يقول ؟!
مها : يقول أني ولد وحركاتي نفس العيال وأمس شافني ومدحي وقال أني حلوة
سارة وتحط يدها على راس مها وتدفه : ياسلام واذا قال ياحلوة يعني وش ؟!
مها: بس انا مستغربه اول مره يمدحني وقلبي قام يرقع من كلامه
سارة بسخريه : يعني تحبينه ؟! مها : لا بس مستانسه مدحني سارة : قلبي لايلعب عليك ترانا نحبك ومابك عيوب .
بعد ساعه
لجين وهي لاهيه بالجوال فجاءة صديقتها قالت وش رايك نروح مطعم وناكل ياني مشتهيه برقر
لجين وهي تضحك هههه وانتي ماهمك الا بطنك بسال امي وبرجع لك اتفقوا على مكان وراحو مع أخ لجين وبالمطعم والسوالف والضحك شبعوا وقاموا بيرحون ويحاسبون
:هلا بالزين
لجين :بخوف خير نعرفك ؟!
: وش مطلعكم أنتم الله واكبر وقمنا نطلع يالنتف
ديما بجراه ومتعودة : وش تبي أنت بيت أبوك هو توقفنا وتحقق معنا يالله هناك
: وملسونات الله يرحم عهد الرسول البنات يلزقون بالجدار ودك تجربين
ديما الملسونه : اها اهلا ابو جهل وش اخبار قريش
: ياثقل دمك يبيلك شغل واجد
ديما:وش عمارة انا طس طس لا اجيب المصحه يالسفيه
: هههههههههاي انا سفيه اوريك وش يسوي السفيه اللحين
ديما : نتفه تجنن تبرد القلب حياويه على لسانها مغروره ببعض الاحيان بيضاء عيونها حلوة وناعسه سمينه شوي شعرها ثلجي تحب تلعب فيه من الهبال مهبوله يحبها كل من عرفها دمها خيفيف ونكوته .
انفتح الباب دخل اخو لجين
لجين وهي تدعي انه ربها يساعدها شافت واستانست
: اوه راحت الصيدة
ديمه : حمام تعالو فيه واحد يصيد حمام هينا
لجين : فكينا من شرك يالله خن نروح قلبي بيوقف
ملاك خايفه متدري وش تسوي تفكر قبل كم يوم وش قال لها
: هلا يالحلو هاه وش بتسوين اللي اقول
ملاك بارتجاف : وش اسوي طيب
: كيذا تعجبني
ملاك : خلصني
: مها أبيك تقولين لها تجي عندك وانا اقابلها هناك
ملاك : ليه وش بتسوي فيها
: ماعليك بس بكلمها بكلمتين وبروح
ملاك بتردد : وعد ؟!
: وعد وعد بس بكرا تجهزين بكرا الساعه عشر الليل
ملاك : طيب
القادم
ديمه وش بيصير لها ؟!
غادة وش حلها لسوسن وبينفع سوسن وتنجح الخطه ؟!
مها ليه استانست على كلام عمر وش ردة فعل سارة ؟!
جمانه وش تسوي وش هدفها ؟!
ملاك وش لون بتقنع مها وهذا وش يبي منها ؟!
مها وش ردة فعلها من الموضوع ؟!