يومين والثالث على فراش . دكتور
وده يفتش خافي القلب وش . فيه
انا عطيته الخبر والخبر ....... شور
ان السبب في خافق القلب .. غاليه
لكن طبيب القلب جاني .. بمحظور
يقول لي وقف عن العشق ... يا بيه
قلبك لعبه زايد الزين ........ مغرور
قلبك لعبه واحد مشيته ......... تيه
خلا شرايينك ضعيفة .... ومخطور
ما تذكر الخفرات بالقاف .... يا هيه
قلت الحقيقة لو طلب عرق مجبور
اسلم نفسي والمعاليق ........ بيديه
الصاحب اللي شوفته كلها ..... نور
يجلي ظلام الليل في نور ... خديه
ليته يحس بخاطر صار .... مكسور
مثل اليتيم اللي فقد شوف .. واليه
أمه توفت مع جدوده ...... ومقهور
كل يذله بالسوالف .......... ويعطيه
العم عقه والرحم صار ....... مقبور
وعيال عمه ما بهم شخص .. يغليه
محتار في عيشه مع الدمع . منثور
متوسد كفه ولا يمد .......... رجليه
يخاف من خبل يمره على ... الفور
ياطا على خده ويدعس .. مواطيه
يا روح روحي خفف الظلم والجور
وارحم ضعيف يشتكي جفوتك ليه
خليتني كني ذبيح ........ ومنحور
وجبة طعام للضواري ........ تخليه
القارظ العنزي