يالمسك ما عينت لي صاحب . ذوق
الذوق راقي والصداقة ...... صداقة
الصاحب اللي نظرته دايم ..... فوق
قطع معاليق الضماير .......... فراقه
انا اشهد انه بالوفاء دوم .... موثوق
لكنه ظرف الوقت يالمسك .... عاقه
يالمسك لو مرك مع الوقت .. غرنوق
قله قارظكم ساقه الوقت ..... ساقه
القارظ اللي خبركم صار .... مطفوق
عقب الرزانة انعرف ........ بالطفاقة
كل ما لمح له بالغنادير ..... ممشوق
يصيح له باسمك وينخى ... الرفاقة
حبه شلع كل الضماير ...... ومعلوق
ولا عاد بي صبر ولا بي ........ طاقة
خليتني يالترف ضايع .... ومصفوق
من شافني يرمي علي ....... الاعاقة
يالمغتر الوضحى هلا بشيخة النوق
خزيزة المطنوخ وغاية ....... مذاقة
يالمترفة قلبي غدا اليوم ... محروق
ناره تلظى كان ما بك ......... شفاقة
الحق عليه قبل نقفي ...... بصندوق
لبسي خفيف واللفايف ........ رقاقة
القارظ العنزي