في هذه اللحظه و هذه الساعه، انهيت تدريب السواقه العملي،،
اسبوعين كانت من اجمل ايام حياتي، رغم ضيق الوقت و تأخره..
الا انها كانت ساعه و نص لطيفه على قلبي،،
مع مدربة كانت من اجمل ما يكون،
روحها حلوة و طيبة و عايشة حياتها بحب رغم كل شيء
كنت شايله هم اني بكون اخر متدربه عندها و الوقت متأخر
و اكون ثقيلة عليها.. لكن الحمدلله تآلفت قلوبنا
و كنت على حسب كلامها من اجمل المتدربات روح و خفة ظل،
يعجبني الانسان اللي يعيش حياته صح، يملأ كونه حب و فرح..
و بالتالي ينشر الفرح و السعاده للي حوله،،
الشكر اولاً و اخير لله، اللي سهل لي اموري و يسر ظروفي
حتى تواكب تطلعاتي و امنياتي..
ثم لنفسي حب كبير، لصبري و مثابرتي
و تجاوزي لكل شي ممكن كان بيأثر على مسيرة حياتي..
لكن انا ما خليته عقبة في حياتي،،
و ممتنه لمدربتي الي اعطتني من قلبها بكل حب
صبرت علي و دربتني من قلب،،
و شكرا لآهلي اللي يصبرون علي و شكرا لبنتي انها تقدر ظروفي..
و ممتنه لكل الاصدقاء هنا، اللي يدعموني دايم بكلامهم الجميل،
احبكم

اعرف ان السواقه عند اكثركم شي تافه و من زمان تسوقون
و تقولون هذي شفيها طايرة من الفرحه..
لكن هو شي جديد في حياتي، و بديت فيه من الصفر


فوق هالسعاده فيني تعب عجيب..
صاحيه من الفجر و للحين ما نمت
و انا النوم عندي شيء مقدس،،
لكن انا سعيده و حبيت انقل شعوري لكم لاني احبكم
تصبحون على حب و سعادة