يا بنت عيا يجيني .. النوم
تفكير والعين ....... سهرانة
يا بنت مدري بلاي .. هموم
والا لك العين ........ ولهانة
يا بنت كني فقيد .... القوم
تبكيه عجوزه ..... وورعانة
كل ينشد ويريد ...... علوم
ينشد وش الحال . يا فلانة
يا بنت من بعدكم . مسموم
والكبد للترف .... . عطشانة
يا بنت والله عداك .. اللوم
ومن لامكم يفقد .... السانه
من لامكم يظلمك .. يا قوم
تشهد لك الناس ..... يالدانة
عزاه مثلي غدا ..... محروم
من شوفك وشوف سلمانه
سلمان اشوفه حتى بحلوم
وتشوفه العين ...... يقضانة
يا رب تجمعني معاهم دوم
والقلب يفرح ........ بخلانه
واولهم شوف الغلا . سللوم
ملكني والقلب ...... واركانه
لولاه انا امشي بغير هدوم
مجنون يا دان ....... دندانة
وثانيهم بنت حشاها . اللوم
مع صبرها دوم ..... شفقانة
بنت عزيزة وعزيزة ... قوم
تشهد على ذاك ...... ويلانه
عز الله ما بيعها .... بالسوم
لو حطوا للعود ...... ميلانه
القارظ العنزي