يمر بالشخص اصحاب في حياته منهم الطيب ومنهم الغير ذلك

تذكرت واحد من الاشخاص الذين لو رجع بي الزمن ماخترته صاحب

لذلك قمت بكتابة هذه الابيات في هذا الشخص ولاني قد تركته من زمن بعيد ماتوقع انه راح يسمع هالابياات فيه




الله لا يسقيك ياصاحب(ن) لي
ماشفت في صُحبتك غير النكاده

من عقب ماروح وانا مستهلي
الله يبعد عن بلادي بلاده

بعض البشر بعده يضيم ويعلي
والبعض الاخر تستريح افبعاده

ماعاد ابي شوفه وجعله يولي
ليته فطس قبلن تجيه الولاده

شخص(ن) احبه لو يبي جيت كلي
وشخص(ن) اذا ابعدت عنه عباده

الله يقطع عشرت اللي يزلي
شخص(ن) تجف الأورده من فسادة

لا تصحب الفاشل ترى الزرع يبلي
بلت على كل الزروع الجراده

لا عاد تنشد يا ادمي عن محلي
انا مع اللي صحبته لي سعاده

اليوم انا مرتاح عند المهلي
اللي يهلي بي ويظهر وداده

الصاحب الاول تركته يولي
والصاحب الثاني لراسي وساده