<<{ هل للمحبين عيادة ؟ }>>
لا تزرع الشوق في غير أراضيه
حتى ما تندم في وقت حصاده
الشوق المحب لشوقه مايعاديه
ليا زعل فكر فيه ورجع لرشاده
كم مصاب بالحب صعبة أداويه
ومن النادر تلقى للمحبين عياده
يا من جره للحب رجله واياديه
اسباب عين غابت عنها الرياده
احذرك من طريق الشر لا تأتيه
تراه يصعب عليك نطق الشهاده
صد نفسك ولاتقرب من دواعيه
دواعي الشر سهله وقليله زياده
دور على طريق الحلال وتلاقيه
حب على وضح النقا لبد تعتاده
نصيحة محب لمن كثرت بلاويه
يكثر من ذكر الله لدرب السعاده
السميع العليم يستجيب لداعيه
لبد من يوم يحقق له فيه مراده
العبد اليا دعى ربه حقق مساعيه
عز وفخر لمن نال عظيم الشهادة
الشاعر/ حمد بن فهد المخالدة السبيعي