حب لكم ، و لكلامكم اللطيف ،

جميل ان تكون مؤثر بشكل جميل و ايجابي ،
مثابرتك لتعديل نفسك و انك تتصالح معها ، راح تبين في يوم من الايام ،
انا ما اعتبر نفسي كامله و لا مرره واو ، لكن راضيه عن نفسي بشكل كبير ،،
وصلت لمرحله من عمري لازم اكون كذا ، و عيب علي ما اكون كذا ،

الصغار الان محظوظين ، الصغار من سن ال 18 وفوق ،
محظوظين كيف ، لان الاهتمام بالجانب النفسي و التطويري صار واضح و منتشر بكثره
تفتح اي مكان تلقى الناس تتكلم عن الجانب الايجابي و الصحه النفسية و غيرها من الامور التطويريه ،
على عكس فترتنا ايام الصغر ، صح اهلنا ربونا احسن تربيه بس الجانب النفسي مهملينه تماماً
ما بالك طفل تربى ع الكبت النفسي ، ما يعرف يعبر عن مشاعره زين ، امه و ابوه ما يحضونه <- الحضن مسبب ازمه خخ
في سالفه حكيتها مره عن الحضن لو جا مجال ذكرتها لانه مو محور حديثنا ،،

انا عايشه ضمن عائلة مستقره احبهم و يحبوني من صغري
لكن في جوانب في نفسك لازم تتغذى و تتطور ، لازم احد يراعيها و تراعيها في نفسك
اني اكون ايجابيه و احب الحياة و احب نفسي ما جا من فراغ ، تعبت على نفسي
زمان ما تلقى احد قدامك يتكلم كلام ايجابي ، و يقومك و يرشد روحك و نفسك
الان المجال مفتوح قدامك ، في كل مواقع التواصل الاجتماعي الناس تتكلم عن الصحة النفسية و كيف تطور من نفسك
يعني النت في جوالك ، انت ماسك جوالك و تتلقى ، تتلقى الشين و الزين و انت في يدك الاختيار
اول كان النت بالنادر ندخله و ان دخلناه كان للتسليه ، اكيد فيه اشياء تطويريه بس محد يفتح عيونك عليها
انت صغير ما تعرف شي ، لازم احد يرشدك ، بس كان الوعي شوي قليل
و الان الوضع يختلف ، الوعي زاد
و اطفالنا صرنا نربيهم علي الحب و على اللطف و الكلام الايجابي ،

و اكون صريحه معكم انا الى سن ال 35 ما كنت مستقرة نفسياً ،
كنت ايجابيه من صغري ، لكن الاستقرار النفسي لا ،
بس من قبل هذا العمر كنت احاول اقوم نفسي و نفسيتي يعني بعد الثلاثين تبدأ توعى
و تفكر في نفسك ، انت ايش قاعد تسوي ،
و الحمدلله وصلت لمرحلة ، اقدر اقول عن نفسي قويه و صلبة مهما واجهت من صعوبات
اقدر اتجاوزها و اعديها بسرعه ، علاقاتي صارت اكثر ، الناس اللي تحبني اكثر
نقطه مهمة الناس ما راح تحبك و انت ما تحب نفسك ،، ما تقدرها

ارجع و اقول انتم الاصغر سناً ، محظوظين ،
بس ما تترك نفسك كذا ، اقرا طور من نفسك ، خالط ناس ايجابيه
حب نفسك

و انا قررت اني انشر الحب و الطاقة الايجابية حولي
حب لنفسي ، و لكم جميعاً و للناس اللي دايم تحمسني و تدعمني و تحسسني اني جالسه أثر بشكل جميل
حب للصباح اللي يعطيني طاقة تخليني اتكلم بشكل حلو و ايجابي ، و ان شاءالله يوصل لقلوبكم


صباحكم سعادة





<- من امس مدري شفيها كلامها كثير خخ