افتكر ان احنا بنخضع لنفس قاعدة النور والضل بتاعة النباتات
فيه ناس بتزدهر في النور وناس بتحب الضل
ناس بتبدع وبتبان وبتدي احسن ما عندها في هدوء ومن غير ما تتشاف..
وناس بتحتاج نور وظهور واضح علشان تعرف تعمل ده..
حتى في العلاقات..
الناس بتاعة النور مش بتعرف تبقى جزء من علاقات موجوده في الضل.. مهما العلاقة دي ادتها... قلة النور بتقتلها..
وناس تانيه معندهاش اي مشكله في الضل.. يمكن حتى تكون بتفضله..
اي محاوله للتعايش ضد طبيعتك.. بتنتهي في الغالب بالفشل..
فغالبا بتحتاج تعرف طبيعتك.. وايه اللي يتناسب معاها..
ولو انت عايز تغير حاجه فيها.. محتاج تعرف هي دي حاجه ممكن تتغير ولا لا.