اوقات لما بتحاول تمشي في طريق جديد.. والطريق الجديد ده يقفل في وشك.. بتلف وترجع لطرقك وعاداتك القديمه..
في الوقت اللي بتحس ان ده مخرج.. ممكن يكون في الحقيقه مجرد طريق بيلبسك في حيطه قديمه لبست فيها قبل كده..
كل اللي بتعمله في الوقت ده انك بتهرب من ألم جديد أو خيبة امل جديده.. لألم معتاد.. انت عارفه.. بدل ما تواجه ألمك الجديد..
المشكله الوحيده هنا انك هتحوش الألم الجديد بدل ما تتعامل معاه وتتخطاه.. ده غير انك هتتوجع تاني من نفس الحيطه القديمه..
الألم مش حاجه تخوف.. الألم ده خط دفاعك الأول اللي بينبهك ان فيه حاجه غلط محتاجه تتصلح.. وان ده الوقت اللي تقوم فيها تصلحه..
سواء كان الألم نفسي او جسدي.. هو في النهايه طريقة مخك في تحذيرك من الخطر..
اسمعه.. احترمه.. واتعلم منه.