علموا ولادكم ان الحياه مش سهله..
علموهم انه مفيش حاجه هتجيلهم بالساهل..
علموهم السعي ورا اللي عايزينه..
علموهم ان المصاعب بتيجي مهما كانوا كويسين..
وان كونك شخص كويس مش هيمنع الأحداث السيئة انها تحصلك.. بس هتتعلم تعديها.. هتتعلم تخرج منها..
علموهم انك بتعامل الناس كويس علشان انت كده.. وان ده مش ضمان ان الناس هتعاملك كويس.. بس على الاقل ضمان انك هتفضل كويس ومش هتسمح ليهم يحولوك لشخص سئ..
علموا ولادكم ان الحفاظ على نفسهم ومبادئهم شئ مش سهل.. بس يستحق التعب..
علموا ولادكم ان مش كل اللي عايزينه هيتحقق.. وان الصبر والسعي اكتر حاجات اساسيه علشان يحققوا اي حاجه..
علموا ولادكم ان كل الوجع مؤقت.. واننا بنعرف نعيش رغم الوجع ورغم الصعاب..
علموا ولادكم.. علشان ميكبروش ويكفروا بالحياة كفكره.