حقيقى عندى إحساس
فظيع انى نفسي كل الناس تحب بعضها ومحدش يكره حد ..
وإن كل العلاقات الإنسانية تكون خالية من أى نفاق او اى ضغينة
واننا كلنا نشوف بعض ومحدش يهمش وجود حد
حقيقى انا حاسس بالحب جدا ومؤمن فيه وفى بقاؤه برغم كل التحديات
يمكن دة لإقتناعى الشديد من أن الخير والإيجابية من الحاجات الفطرية وان الشر والسلبية
حاجات مكتسبة لبسناها من ميراث الغير وان الحاجات دى هى
اللى متقلانا ومكتفانا ولو اتجردنا منها هنقدر نشوف العالم بفطرتنا اللى رب الرحمة والأمان وضعها فينا ☝...
جميل انك تدوق الحب وتنعم فى خيره ...
وفعلا النعيم الحقيقى هو انك تعرف تحب وتعطى.. اكتر ماتعرف تتحب وتاخد ..
من غير ماتيجى على نفسك او تهدر حقك 👉
الحب الحقيقي هو أننا نحب محبوبينا زى ماهما محتاجين مش زى ما احنا عارفين
نحبهم لأن ببساطة الحب لغاته كتير وكل واحد بيستقبله حسب اللغة اللى بيفهمها..
وياريت كل واحد يبدأ بنفسه ويعمل قائمة بأسماء الناس اللى بيحبهم
ويطلع برة نفسه ويركز فى حاجة واحدة كل حد فيهم بيحبها ويحاول
يقدمهاله ولو كانت كلمة أو نظرة أو حضن أو مكالمة أو حتى وردة
اى حاجة توطد امانه وتحسسه بالثقة اللى كفيلة
تقوى حبل ارتباطه بالحياة وتسد أى فجوة بينها وبينه
شكرا للحب
وشكرا لكل اللى عطونا الفرصة للعيش فيه
وشكرا لكل اللى ساعدونا نعبر عنه
شكرا لناس انا فاكرهم بكل خير وبحبهم جدا وبكن ليهم بكل احترام
سواء ف المنتدى او ف الحياه او الشغل