قلبي بكى من ضيم الايام والجور
جور الوليف اللي تناسى ... وليفه
مع دمعة تنثر كما نثرة ..... بحور
دمع تسابق عيا يوقف ..... وكيفه
مع غصة احسها بداخل ..... الزور
تكتم على صدر الحنايا .. النحيفة
عزاه ياللي عيشته تقل ..... بقبور
والا خلاوي والضواري .... مخيفة
هنيت منه بالمخاليق ..... مسرور
ما خالطه همه وغمه ...... وحيفه
ما عاش مثلي بالملا تقل مجدور
كل يجنب عن بلاه ....... ورصيفه
يالله يالمعبود ويخالق ....... النور
يا فارج الكربة بعدله ........ وريفه
ترحم ضعيف والبخت صار مثبور
من رحمتك تجعل حياته . مريفة
تحمي جنابه لا يتحدر مع .. الغور
وترفع له الدنيا على كيف ... كيفه
يفرح بعزه بالمناعير ........ منعور
ويلقى به العزوة رفيقه ... وضيفه
القارظ العنزي