تذكرت موقف للآن أضحك عليه.
في مرة رحنا للمول أنا وبنت عمي،
وطبعًا هي من النوع اللي تمشي كثير وماتوقف،
دخلنا محل وقالت بتشتري شي منه..
المُهم، ارتفع ضغطي منها حرفيًا،
كل ما اوقف عند الشي المطلوب،
وأبغى نخلص بسرعه وتاخذه؟.
ما ألقاها، تكون بآخر المحل أو جنب أي شي ثاني.
المُهم حرفيًا وصلت معاي منها،
خذيت القميص اللي تبغاه وأمشي إتجاهها وأنا خلاص ... .
إلا واقول انتِ تستهبلين؟ تبغين تاخذ شي ولا؟؟.
وطبعًا ضربتها براسها ورميت القميص عليها،
وسويت كل شي محد يسويه بالدنيا.
طبعًا كنت معصبه جدًا.
ثانيتين وإلتفتت وحده، طلعت مُش هي (:؟؟؟؟؟.
وبمثل اللحظة كانت في يد تسحبني من كتفي.
طلعت هي تسحب وتقول فضحتينا فضحتينا.
طبعًا أنا فكي نزل للأرض (:
برستيجي كله راح بثانيتين.
المهم اعتذرت وطلعت من المول بكبره.