 |  | |  |
| السلام عليكم ورحمة الله وبركاته
سبق وكتبت موضوع عن مشكلتي مع أهل زوجي
وتم الموافقة على الموضوع ...
لكن أعتقد أن هناك مشكلة وانحذف الموضوع
لذا سجل حظي واكتب الموضوع وبإختصار
لأني لم أقرأ أي تعليق على المشكلة
مشكلتي مع أهل زوجي ..
أهل زوجي وأعمامه كلهم جيران ويجمعهم حوش
كل عيالهم متزوجين قرايبهم وبنات عمهم
ما عدا انا أكون من نفس القبيلة لكن قرابتي بهم من بعيد
إذا بيطلعون مكان يخططون في ما بينهم ولا أدري عنهم
تخيلوا أخرج من غرفتي الاقي الكل مو موجود
يتمشون يطلعون البحر أو الكورنيش وما ياخذوني
لا أنا ولا بنتي
أخوات زوجي وأمه اذا طلعوا مكان ياخذون بنت صهري وبنتي لا
اذا كانوا رايحين عرس أحيان نروح مع بعض
اذا المشوار قريب نروح مشي يعني بالكثير ربع ساعة
أكون بالعرس مجتمعة مع أهلي أو بنات عمتي
يرجعون لحالهم وما يخبروني
أحيان ارجع بروحي وطول الطريق ابكي
واحيان ارجع مع اهلي اذا قدرت
زوجي أغلب الوقت مشغول
ويرجع للبيت متأخر أكون نايمة غالبا
أحياناً استناه أكون محتاجة أفضفض
يقول تعبان وفيني نوم
والله متضايقة كثير من هالموضوع
ومحتاجة ردودكم
علمت زوجي بموضوع اهله وقال اذا بتروحين مكان
أو عرس مرة ثانية لا تروحين مع اهلي
روحي مع اهلك أو اقعدي بالبيت وانا طفشت
مرة انقهرت كثييير أن كلهم طلعوا يتمشون
وأخذوا مفتاح البيت معهم
طلعت من غرفتي مالهم حس ادور ع المفتاح ما لقيته
كنت أبغى اطلع عند جيراني أو أهلي وبرجع قبل المغرب
ما قدرت ..
للعلم زوجي الوحيد من بينهم معه سيارة
لما جاء زوجي خبرته .. وقلت له
مرة ثانية اذا بنروح مشوار أو مكان
ما ابغى أحد معي أنا وبنت بس وأمك اذا ودها..
 | |
 | |  |
يبدو انك ما اندمجتي معهم ما انتي اجتماعية
كل عائلة لها قروبات وتساب ادخلي معهم شاركي معهم ساهمي
مو شرط انهم مايحبونك جايز انتي ماتتشاركين معهم او ماتجلسين
معهم بيعتقدو انك راح تتضايقي اذا رحتي معهم ..
احبي لغيرك ماتحبي لنفسك .. ع العموم عمر اهل الزوج ماكانو مشكله
اذا حياتك مع زوجك تمام .. ابدي بنفسك وتأقلمي واندمجي معهم
انا لو زوجة اخوي اشوفها ماتجلس معانا او اكثر وقتها بغرفتها بيتكون عندي اعتقاد انها ماتبي تجلس معنا مع ان حبيبة قلبي عسل ربي يسعدها
لكن هو مثال ... دخلتي ع عائلة او حموله تأقلمي معهم ادخلي ضمن قروباتهم تفاعلي بيني لهم انك وحده منهم ربي يسعدك